ՀՀԿ-ն ու իր թեւերը

ՀՀԿ-ԲՀԿ  փոխհարաբերությունների հարցը քաղաքական ներկա փուլում մղվել է ետին պլան: Սա չի նշանակում, թե այդ հարցն ընդմիշտ վերացել է եւ օրերից մի օր, ընդ որում՝ շատ մոտ ապագայում, չի կարող նորից հայտնվել ասպարեզում: Երբ խոսք է գնում այս երկու կուսակցությունների փոխհարաբերությունների մասին, պետք չէ այնպես հասկանալ, թե անպայմանորեն նկատի ունենք նրանց միջեւ եղած առճակատումը: Միգուցե նման առճակատում չկա, երբեւէ չի եղել ու չի էլ լինելու: Եւ միգուցե քաղաքական ասպարեզ նետված այս հարցը ինքնին արհեստական է ու «հատուկ բեմադրություն»: Նման բեմադրություններ մեր իրականության մեջ շատ են եղել, որոնք, ամեն դեպքում, բեմադրիչների համար տվել են նրանց ցանկալի արդյունքը:

ՌՈՒՍԱՍՏԱՆԻ «ՀԵՂԱՓՈԽՈՒԹՅՈՒՆՆ» ՈՒ ՀԱՅԱՍՏԱՆԸ

Վերջին մեկ տարում աշխարհի քաղաքական կառուցվածքում ու հասարակական մտածողության մեջ էական տեղաշարժեր են տեղի ունենում: Այդ տեղաշարժերն ուղղված են ավտորիտար ու բռնապետական տարրեր պարունակող, մարդու իրավունքները ոտնահարող, քարացած, ստի ու կեղծիքի վրա հիմնված ռեժիմների դեմ: Մեկ տարի առաջ որեւէ մեկի մտքով չէր կարող անցնել, որ «հետադիմության ու պահպանողականության» պատվար հանդիսացող արաբական աշխարհում հնարավոր են հեղափոխական պոռթկումներ: Մեկ-երկու ամիս առաջ դժվար էր անգամ ենթադրել, որ հեղափոխական տրամադրությունները համակելու են ռուս հասարակությանը եւ պուտինյամն թվացյալ ուժեղ իշխանությունը սասանվելու է: