Ինչպես միշտ, այս անգամ էլ, երբ լսում ես Սերժ Սարգսյանի ելույթը, ոչ մի կերպ չես պատկերացնում, որ նա խոսում է Հայաստանի մասին, ամեն ինչ գլխիվայր շուռ է տրված. «Մենք միշտ հանդես ենք եկել հանուն գաղափարների, առաջարկել ենք ճանապարհ, որը մեր կարծիքով տանում է դեպի վերելք, դեպքի բարեկեցություն: Մենք չենք շեղվի հիմնական ուղուց: Մենք պետք է հոգանք յուրաքանչյուր ընտանիքի բարեկեցությունը: Հայաստանում ամեն նոր օրը պետք է տարբերվի նախորդից, ավելի լավը պետք է լինի, մեր ծրագիրը հենց այդպիսին է լինելու` անառիկ Հայաստանի տրամաբանությամբ»: Ճիշտ է ասում մարդը՝ միայն մի տարբերությամբ. Հայաստանում ամեն մի օրը արդեն տարբերվում է նախորդից. գնաճ, կենսամակարդակի նվազում, արտագաղթողների թվի ավելացում, անպաշտպանվածության, հուսալքության զգացողության շոշափելիություն, բարեկեցության միայն իր ու իր շրջապատի արտոնյալների համար...
Հայտնի է նաեւ ՀՀԿ-ի ու Սերժ Սարգսյանի նոր կարգախոսը. «Դեպի (ան)ապահով Հայաստան»: Ճիշտն ասած՝ ՀՀԿ-ն երբեք չի էլ շեղվել այս ուղուց...
Ճիշտն ասած՝ հանրապետականները «Առաջ Հայաստան»-ը դորդ ու բեշ արեցին, «Հավատացին և փոխվեցին»-ը՝ դու շեշ, հիմա իքի բիրով անշեղորեն գնում են դեպի «Ապահով Հայաստան»: Երեւի նկատի ունեն իրենց ապահովությունը...
Համլետ Կիրակոսյան
Комментариев нет:
Отправить комментарий