Մի կողմ թողնենք այն հարցը, թե ՀՀԿ-ն, կառավարությունը ինչպե՞ս են զբաղվում իրենց մատնանշած խնդիրներով, ինչպե՞ս են լուծում մարդկանց հոգսերը, որոնք այդպես էլ չեն լուծվում ու գնալով ավելի են շատանում, մի կողմ թողնենք գնաճի ու կառավարության բարձրացրած թոշակ-աշխատավարձի ողորմելի չափի անհամատեղելիությունը, վարչապետի ու նրա նախարար-փոխնախարարների դեմագոկիկ ու ցինիկ արտահայտությունները «ծույլ» ու «անթասիբ» հայ ժողովրդի մասին:
ՀՅԴ-ի, նաեւ Կոնգրեսի ու ԲՀԿ-ի առաջարկած օրակարգի մեջ կան մի շարք կետեր, որոնք շոշափում են հենց այս խնդիրները՝ տնտեսական մենաշնորհների ու խնդիրների հարց, բիզնեսի ու քաղաքականության տարանջատում, պետություն խժռող կոռուցպիա ու կաշառակերություն, նորմալ ընտրություններ ու օրինական իշխանության ձեւավորում, անկախ դատական համակարգ ու մարդու իրավունքներ եւ այլն: Հայաստանի բոլոր խնդիրները եւ դրանց լուծումները ահա այս օրակարգի մեջ են: Մյուս բոլոր հարցերը ածանցվում են դրանց: ՀՀԿ-ն ուղղակի ինքը՝ իբր թե ժողովրդի հոգսերի մասին մտածելու իր իմիտացիաներով, քաղաքական ու հանրային ուշադրությունը շեղում է ամենակարեւոր խնդիրներից...
Համլետ Կիրակոսյան
Комментариев нет:
Отправить комментарий