Գյումրիում կենացները թանկանում են

Գյումրու քաղաքապետի ընտրությունների հետ կապված՝ կենացները թանկանում են: Սեպտեմբերին սպասվելիք ընտրությունը գտնվում է ոչ միայն Շիրակի մարզի ու Գյումրու, այլեւ Հայաստանի քաղաքական ու հասարակական հանրության ուշադրության կենտրոնում: Այլ կերպ լինել չէր կարող, Գյումրիում քաղաքապետական աթոռի կենացների գինը շատ թանկ է:

«Ապստամբություն» օլիգարխիայի դեմ

Սերժ Սարգսյանն ու ՀՀԿ-ն նախագահական ընտրությունների են գնում բավական բարդ իրավիճակում:  Ընդ որում՝ իրավիճակի բարդություն առկա է տարբեր հարթություններում՝ քաղաքական, հասարակական, սոցիալական:

Քաղաքական դաշտում տեղի ունեցող վերադասավորումները կարող են լուրջ անակնկալներ մատուցել Սերժ Սարգսյանին: Ի տարբերություն 2008 թվականի, իշխանական համակարգն այսօր այնքան էլ միասնական ու ուժեղ չէ ու ամեն մի թույլ ցնցում կարող է ավելացնել արդեն առկա ճաքերը:

Օլիգարխիայի պաշտպան ոստիկանությունը

Ռուբեն Հայրապետյանի մոտ սովորություն է դառնում անբարո, հակահասարակական արարք գործել, հետո ապաշխարել, ներողություն խնդրել, կոկորդիլոսի արցունքներ թափել: Մարդը ձեռքից գնում է, կորցրել է ինքն իրեն ու իր հավասարակշռությունը, այլեւս չի կառավարում իր գործողությունները, եւ, ինչպես նշել էր ֆեյսբուքյան օգտատերերից մեկը, «ոչ ադեկվատ է դառնում ու նրա տեղը հոգեբուժարանն է»:

«Քաղաքացիականների» ու «քաղաքականների» վեճը

Հասարակական-քաղաքական կյանքում սկիզբ է առել նոր բանավեճ: Առիթը նոր է, թեման ու բովանդակությունը՝ հին ու արդեն հոգնեցնող: «Մի քաղաքականացրեք «Հարսնաքարի» դեպքի հետ կապված քաղաքացիական շարժումըե,-ասում են շարժման մի շարք ակտիվիստներ: «Այստեղ հատուկ քաղաքականացման հարց չկա, խնդիրը ընդհանուր քաղաքական գործընթացների մեջ դիտարկելն է»,-մոտավորապես այսպես է հնչում պատասխանը:

Արհեստական «վեճ»

Տպավորություն է ստեղծվում, որ «քաղաքացիականների» ու «քաղաքականների» բանավեճը հրահրվում է 
կոնկրետ շրջանակներից՝ անկախ հրահրվողների կամքից, ցանկությունից ու իրազեկությունից: Հրահրվում է ու շատ դեպքերում հասնում իր նպատակին՝ ստեղծելով անվստահության, անհամաձայնության ու վիրավորվածության մթնոլորտ: Էլ չենք խոսում «սեպ» խրելու մասին:

Քաղաքական, բարոյական ու իրավական պատասխանատվության խաչմերուկում

Ռուբեն Հայրապետյանը վայր դրեց մանդատը` հանդես գալով բավական հուզական ու լացակումած հայտարությամբ, ուր պառճառաբանում է իր քայլը. «Ամեն ինչ կտայի, որ այդ չարաբաստիկ երեկոյան լինեի այնտեղ, բռնեի երիտասարդների վրա բարձրացող բռունցքները, կանգնեցնեի այս դժբախտությունը, որ կյանք խլեց, ընտանիքներ կործանեց, երեխաներ որբացրեց: Ամեն ինչ կտայի այս ամենը հետ պտտելու համար: Բայց չեմ կարող: Վահեն արդեն չկա: Ու ես դրանով պետք է ապրեմ: Ու պետք է նայեմ նրա ընտանիքի անդամների աչքերին: Չգիտեմ ոնց: Ասում են ամեն ինչ օրենքով պիտի լինի. վստահ եմ օրենքով կլինի, 100 մեղավոր կլինի, 100 պատիժ կլինի: Բայց հարցը միայն օրենքը չի: Հարցը շատ ավելի բարդ է: Ու ես դա շատ լավ եմ հասկանում: Հիմա շատերն են մեղադրում ինձ, նույնիսկ բաների համար, որ ինձ հետ կապ չունեն կամ հորինված են. երեւի իրավունք ունեն: Բայց իմ առաջին մեղադրողը հենց ես եմ: Ես պիտի կանխեի նման դժբախտությունը ու չեմ կարողացել դա անել: Ես ինձ չեմ ներում, ու չգիտեմ ոնց պիտի ներում հայցեմ: Այս պահին ես հայտարարում եմ, որ բարոյական պարտավորություն եմ զգում եւ վայր եմ դնում Ազգային Ժողովի պատգամավորի իմ մանդատը»:

Երբ լցվում է համբերության բաժակը

Հայ հանրությունը վրդովված է: Ցասման ու բողոքի աներևակայելի ալիք է բարձրանում հասարակության մեջ՝ ընդդեմ գազանային իրականության ու բարքերի: Հունիսի 29-ի երեկոյան հիվանդանոցում մահացավ հունիսի 17-ին Աժ պատգամավոր Ռուբեն Հայրապետյանին (նեմեց Ռուբո) պատկանող «Հարսնաքար» ռեստորանում դաժանորեն ծեծի ենթարկված բժիշկ Վահե Ավետյանը: Մահացավ ոչնչի համար, չնչին առիթի պատճառով. նրա մարզական հագուկապը դուր չէր եկել ռեստորանի աշխատակիցներին ու նրանց տերերին: Ու վերջիններս ծագած վիճաբանությունը լուծել էին իրենց ձևով՝ գազանաբար, թուրքավարի: Ռեստորանի անվտանգության աշխատակիցներն ու Ռ. Հայրապետյանի թիկնապահները՝ 10-15 հոգի, դաժանորեն ծեծել էին Վահեին ու նրա ընկերներին:

«Հարսնաքարի» գործը, նեմեցը, պոլիտիկաններն ու իրենց «երկար» խելքը

Վահե Ավետյանի մահվան հետ կապված բողոքի ակցիաներին մասնակցում են հանրության տարբեր շերտեր՝ ինչպես քաղաքացիական հասարակությունից, այնպես էլ քաղաքական ուժերից՝ ՀԱԿ, ՀՅԴ, «Ժառանգություն», «Ազատ լիբերալներ», ԲՀԿ: «Հարսնաքար» ռեստորանի մոտ Վահեի հիշատակին նվիրված մոմավառությանը մասնակցում էին նաեւ ՀՀԿ-ական երիտասարդներ: Այնուհետեւ վերջիններս հրաժարվեցին մասնակցել ակցիաներին՝ պատճառաբանելով, թե որոշ մարդիկ ու ուժեր դեպքը քաղաքականացնում են:

«Վահե Ավետյանը ես եմ»

Այսօր տեղի ունեցավ հայ սպա, բժիշկ Վահե Ավետյանի թաղումը: Նա դաժանաբար ծեծվեց ու սպանվեց մարդկերպ անասունների ու նրանց տերերի կողմից՝ Հանրապետական կուսակցության քաղխորհրդի անդամ, ԱԺ պատգամավոր Ռուբեն Հայրապետյանին (հանրությանն ավելի շատ հայտնի նեմեց Ռուբո անունով) պատկանող «Հարսնաքար» ռեստորանում, որը մարդիկ արդեն անվանում են «Հանցաքար»: