Վաղուց արդեն ոչ ադեկվատ են նաեւ հայ ոստիկաններն ու կարմիր բերետավորները, ովքեր որտեղ հավաքված ժողովուրդ են տեսնում, հարձակվում են մարդկանց վրա, փողոցային հայհոյանքներ տեղում ու սկսում ծեծել, այդ թվում` նաեւ կանանց: Սա այն դեպքում, երբ Երեւանի փոխոստիկանապետ Ռոբերտ Մելքոնյան-Բազազը, ով վերջերս ֆեյսբուքում սկսել է բարոյախրատական թեմաներով դասախոսություններ վարել, խոսում է ոստիկանության «վեհե կերպարի փոփոխության, օրինական պահվածքի, հասարակության մեջ հեղինակություն ու վստահություն ձեռք բերելու մասին, մարդկանց հանդուրժողականության կոչեր անում:
Ոստիկանության բարձր «հեղինակությունը» երեւաց հուլիսի 8-ին. նրանց հարյուրներով բերել էին «Հարսնաքարիե մոտ` «պաշտպանելու» օլիգարխին: Այս գործը, իրոք, ոստիկանությունը շատ լավ է անում. պաշտպանել ոչ թե ժողովրդին, այլ իշխանությանը ու նրա օլիգարխներին: Իսկ ժողովուրդը ծեծ ու ջարդի համար է: Նաեւ` հայհոյանքների:
Ժողովուրդը «Հարսնաքարի» մոտ էր եկել` մոմավառությամբ հարգելու ռուբենհայրապետյանական «հանցաքարիե զոհ Վահե Ավետյանի հիշատակը: Օլիգարխիայի պաշտպան կարմիր բերետավորներն ու ոստիկանները, ակցիայի մասնակիցների գալուց մեկ ժամ առաջ արդեն տեղում էին` իբր կարգ ու կանոն հաստատելու, մարդու սեփականությունը պաշտպանելու համար: Ժողովրդից պաշտպանվելու կարիք չկա, պարոն ոստիկաններ, ժողովուրդն ինքը ունի պաշտպանության կարիք, որպեսզի նրանցից որեւէ մեկը մի հերթական օր չդառնա հերթական «հանցաքարի» զոհը:
Համլետ Կիրակոսյան
Комментариев нет:
Отправить комментарий