Հանրապետական Կարեն Ավագյանի այն հայտարարությունը, թե Հրազդանում իրենց թեկնածուի հաղթանակը ընտրողների վերաբերմունքն էր միացյալ ընդդիմությանը, որը «չկարողացավ ապահովել հաղթանակ», առաջիկա խորհրդարանական ընտրություններում ՀՀԿ-ի բանաձեւն է լինելու: Այս բանաձեւի էությունը պետք է հասկանալ այնպես, որ ընդդիմությունն ինչ էլ անի, ինչպես էլ անի, մեկ է, հաջողության հասնելու որեւէ հնարավորությունի չունի: Եթե հաշվ առնենք հրազդանյան ընտրությունների որակը, սա բացահայտ մարտահրավեր է ինչպես ընդդիմությանը, այնպես էլ հանրությանը:
Մեկ այլ ՀՀԿ-ական պատգամավոր՝ Արայիկ Հովհաննիսյանը փետրվարի 12-ի Տեղական ինքնակառավարման մարմինների ընտրություններն իր կուսակցության համար համարում է փայլուն հաջողություն՝ որպես խոսուն փաստ ներկայացնելով 39 համայնքների ղեկավարների ընտրությունում ստացած 86% արդյունքը: Իրոք, փայլուն արդյունք է, իսկական սովետական ընտրություններ:
Նման արդյունքը անբնական ու անտրամաբանական կլիներ անգամ այն դեպքում, եթե Հայաստանում սոցիալ-տնտեսական վիճակը չգտնվեր այսօրվա ողբալի վիճակում, եթե ժողովրդի մեծամասնությունը մի կերպ քարշ չտար իր գոյությունը ու չմտածեր երկիրը լքելու ուղիների ու եղանակների մասին: Մինչդեռ Հայաստանում հենց այս պատկերն է, ու այդ ամենի համար պատասխանատու կուսակցությունը 86 տոկոսանոց արդյունք է գրանցում ընտրություններում:
Տնտեսապես ծաղկում ապրող երկրներում անգամ իշխող կուսակցությունընման արդյունք չի կարող գրանցել, էլ չասած Ժողովրդավարական երկրների մասին: Ուրեմն, մեր ժողովուրդը այնքան է գոհ ու այնքան է սիրում Հանրապետական կուսակցությանը, որ, չնայած իր աննախանձելի վիճակին, գնում ու ընտրում է վերջինիս: Երեւի, «դեբիլներե են, հա՞, այդ ընտրողները, կամ «դեբիլիե տեղ են դրել նրանց, կամ էլ դեբիլացրել ու ծիծաղում են վրեքը: Թերեւս ամենաճիշտը հենց այս վերջինն է. ստեղծում են «դեբիլայինե հանրություն ու դեբիլավարի կառավարում նրան: Հետո էլ դեբիլավարի ծիծաղում ընդդիմության վրա, թե՝ էս չես դու ու քո քարոզած մեծ-մեծ արժեքները՝ ժողովրդավարություուուն, ազատություուուն, արդարություուուն…
Ահա քեզ 86 տոկոսանոց Հանրապետական սեր ու վստահություն՝ վրադիր ժողովրդավարությունը, ազատությունն ու արդարությունը…
Համլետ Կիրակոսյան
«Ասպարեզ»
Комментариев нет:
Отправить комментарий